Արևիկ Ավանեսյանը սկսել է իր կինոարտադրության կարիերան ՀայՖիլմ Կինո Ստուդիայում (2006-2008)՝ ԵՊՀ կիրառական մաթեմատիկայի մագիստրոսի կոչում ստանալուն զուգընթաց։ Ավելի քան 10 տարվա փորձ ունենալով կինոարտադրության ոլորտում, նա մասնակցել է Talents Sarajevo-ին (2014) և տարբեր միջոցառումների, ինչպիսիք են B2B Doc Network-ը Կիևի մեդիա շաբաթվա ընթացքում (2017) և Baltic Sea Forum-ը (2018), Leipzig market (2024)։
2012-2014 թվականներին նա եղել է պրոդյուսեր HY Pictures-ում, իսկ 2015-2019 թվականներին՝ պրոդյուսեր Բարս Մեդիա վավերագրական ֆիլմերի ստուդիայում։ Աշխատել է Հիերոգլիֆ ստուդիայի, Կինոկետ պրոդակշընի, Դոկինոյի և այլ կազմակերպությունների հետ։
Նա հիմնադրել է “2+3” ֆիլմ արտադրության ընկերությունը և ղեկավարում է ԱՓ ՀԿ-ն, նպաստելով Հայաստանի կինոարդյունաբերության զարգացմանը, ինչպես նաև ստեղծել է PlatformDoc՝ վավերագրական ֆիլմերի դիստրիբյուցիայի համար։ Նա նաև համահիմնադիր և ղեկավար է ԱրմԴոկ — վավերագրողների հայկական ասոցիացիան (2025)

Նաիրի Հախվերդին գրական թարգմանիչ, գրող և կինոռեժիսոր է։ Նա ծնվել է Նիդեռլանդներում, իրանահայ ծնողների ընտանիքում և անգլերեն լեզու և գրականություն է ուսումնասիրել Լեյդենի համալսարանում։ 2001 թվականից ի վեր նա պարբերաբար ճամփորդել և երկար ժամանակահատվածներ է անցկացրել Հայաստանում։ Նրա առաջին լիամետրաժ սցենարը՝ «Վարորդը», ընտրվել է մասնակցելու EAVE on Demand, BOZAR և Berlinale Talents Project Market ծրագրերին։ Ներկայումս նա աշխատում է իր առաջին լիամետրաժ վավերագրական ֆիլմի՝ «Ռելսերի միջև» վրա, որը շահել է CineDoc 2023 New Talents Caucasus-ի հետարտադրության մրցանակը, ինչպես նաև իր երկրորդ լիամետրաժ սցենարի՝ «Բոդիլ»-ի վրա։ Նրա առաջին միջին երկարության վավերագրական ֆիլմը՝ «Ավլելով Երևանը», որ պատմում է մի կնոջ մասին, ով ամեն գիշեր վտանգում է իր կյանքը՝ Երևանի փողոցները ավլելով, իր ընտանիքին ապահովելու համար, արժանացել է Լավագույն վավերագրական ֆիլմ մրցանակին Ռամսգեյթի կինոփառատոնում։

Երիտասարդ կինոռեժիսոր՝ ծնված և մեծացած Հայաստանի հետինդուստրիալ քաղաք Վանաձորում։ Սովորել է ԵԹԿՊԻ Վանաձորի մասնաճյուղում։
Մինչ այժմ Գրիգորը նկարել է 4 կարճ վավերագրական ֆիլմ՝ «Խաշ», «Ո՞ւր ենք գնում», «Տուժած երիտասարդություն», «Կարոտ»։ 2020 թվականին Գրիգորը հիմնադրել է «Մուֆլոն» ստուդիան, որտեղ նա այժմ աշխատում է իր առաջին լիամետրաժ վավերագրական ֆիլմի և դեբյուտային կարճ անիմացիոն ֆիլմի վրա։
2025 թվականից Գրիգորը Հայկական կինոակադեմիայի (ԱԳԱ) անդամ է։ Իսկ 2025 թվականին նա համահիմնադրել է ArmDoc-ը։

Սեդա Գրիգորյանը վավերագրող ռեժիսոր է և մեդիա մասնագետ։ Կինոյի և մեդիա ոլորտում մասնագիտական կրթություն է ստացել Թատրոնի և կինոյի պետական ինստիտուտում, Ֆլորիդայի նահանգային համալսարանում (ԱՄՆ) և Արևմտյան Լոնդոնի համալսարանում (Մեծ Բրիտանիա):
2011-2016 թվականներին Սեդա Գրիգորյանը հանդիսացել է CivilNet ինտերնետային հեռուստաընկերության գլխավոր ռեժիսորը։
2017-ին նկարահանած «Ճանապարհ դեպի տուն» վավերագրական ֆիլմը Կանադայում՝ Տորոնտոյի ՆՈՒՌ միջազգային կինոփառատոնում արժանացել է «Լավագույն կարճամետրաժ վավերագրական ֆիլմ» մրցանակին։
Սեդա Գրիգորյանը մասնակցել է մի շարք մասնագիտական վերապատրաստման դասընթացների և ֆորումների՝ Ինտերնյուս (Մեդիա նախաձեռնությունների կենտրոն) ՀԿ-ի, «Ոսկե ծիրան» կինոփառատոնի, Canal France International-ի, EAVE On-Demand-ի իրականացրած ծրագրերի շրջանակներում և այլն:
2024 թվականից Սեդան «Հետք» ինտերնետային լրատվականի վիդեո արտադրության պրոդյուսերն է:

Սիլվա Խնկանոսյանը հայ վավերագրական ֆիլմերի ռեժիսոր և պրոդյուսեր է։ Նա կրթություն է ստացել Երևանի Պետական Համալսարանի ժուռնալիստիկայի ֆակուլտետում, մասնակցել է VGIK ամառային դասընթացներին։ Սիլվան աշխատել է լրագրող, օպերատոր, լուսանկարիչ և մոնտաժող տարբեր կազմակերպություններում, այդ թվում՝ “168 ժամ”, “Ազատություն” ռադիոկայան և Jellysmack ընկերություն։
Նրա վավերագրական աշխատանքներից առավել ճանաչվածներն են “Nothing to be afraid of” (2019) և “Far from Michigan” (2023), որոնք արժանացել են բազմաթիվ միջազգային մրցանակների և ցուցադրվել են հեղինակավոր փառատոներում, ինչպես DOK Leipzig, IFFR Rotterdam, RIDM (Քվեբեկ), Miradasdoc (Իսպանիա), Cinéma du Réel (Փարիզ), TIDF (Թայփեյ), FilmFestival Cottbus և Ոսկե Ծիրան։ Ներկայումս Սիլվան աշխատում է իր նոր նախագծի՝ “Second Life”-ի վրա, և շարունակվում է ստեղծել սոցիալական կարևոր թեմաներով ֆիլմեր, որոնք ունեն մեծ ազդեցություն միջազգային կինոյի ասպարեզում։

Սեգ Կիրակոսյան վավերագրական ֆիլմերի ռեժիսոր է, պրոդյուսեր և հետազոտող։ Նա ստացել է բակալավրի և մագիստրոսի կրթություն Վավերագրական ֆիլմերի ռեժիսուրայի մասնագիտությամբ Երևանի Թատրոնի և Կինոյի Պետական Ինստիտուտում (2006–2013)։
Սեգ Կիրակոսյանի ավելի քան 10 վավերագրական ֆիլմեր հեռարձակվել են ազգային և միջազգային հեռուստաընկերություններով։ Նրա նոր ֆիլմը՝ «Մաքրագործում», նախատեսվում է թողարկել 2025 թվականին։ Այն նկարահանվել է շուրջ 10 տարվա ընթացքում՝ ավելի քան 15 երկրում։
Ներկայումս Սեգ Կիրակոսյանը դոկտորական հետազոտություն է իրականացնում Լյուքսեմբուրգի համալսարանում՝ թեմայով՝ «Նյութական սահմանափակումների առաքինություններն ու արատները վավերագրական ֆիլմի էսթետիկայում (լյուքսեմբուրգյան և հայկական վավերագրական ֆիլմերի հիման վրա)»։
2015 թվականին նա հիմնադրել է Doctor Cinema երիտասարդական կենտրոնը, որն իրականացնում է միջազգային կրթական ծրագրեր վավերագրական կինոյի ոլորտում և աջակցում է երիտասարդ կինոգործիչներին միջազգային համատեղ արտադրություններում։
Նա նաև հանդիսանում է վավերագրական ֆիլմերի արտադրությամբ զբաղվող Imagicus Production ընկերության հիմնադիրն ու սեփականատերը։